MUSKAAN

Ek Laadki ko main janta jiski kho gayi kahi muskaan,
Hazaar chehro main dikha akela wahi ek khamosh insaan,
Aesa kya kar guzar gayi kismat jo lagti mujhe woh pareshaan,
Jo khel khud karne wali ladki ki banaa di udaasi ek pehchaan.

Mukaddar ne kya likha, lakho logo main sirf usi ka dard dikha,
Ankhon ne dekh, dil ko sirf ussi ka dard samjhane ka mauka diya.

Kyu batayegi apne dil ki baat, aesa kya hai hamare beech rishta khaas,
Kyu sunayegi apna dard-e-dil, na sunaaya unhe jo rehte uske paas,
Kya upkaar kiye hai, jo chukaayegi woh mujhe baat bataakar,
Kya labh hoga use, un palo se apni rooh ko sataakar.

Rastaa to kaatein se bharaa tha, jis par main bad chala,
Aadhe raastey par hu yaha khada, manzil ka thikana na raha,
Lautte hue bhi khoon utna hi nikalega jitna aage badkar bahega,
Tark itna hai lautkar zindagi bhar afsos rahega,
Badkar zindagi bhar humdard banne ka mauka milega

Koi taara is rooh ko roshni dikhaa de,
Mujhe mere raastey ki pehchaan karaa de.

(Meaning : Kabhi kabhi insaan ke chehre par saji muskaan bahut kuch keh jati hai. Kabhi kisi ki udaasi bhi dil main aese utar jaati hai. Jaise lagta hai kyu us masoom chehre par bhagwan ne gum nyochhvar kiye. Yehi ek kahani hai jaha ek aadmi doosre ko janne ki koshish kar raha hai ... par bebas ho ja raha hai.)

TERI KASAM

Hath badaakar sar par rakh khayi usne ek kasam,

Mehsoos kiya jo maine ... nahi hai use koi gam,
Kha kasam soch baithi santosh kar diya mere vishwas ko,
Khudko nilam kar paye yeh jazbaat jo pehchante tere har bhav ko.

(Meaning : Ek baar ek ladka pooch baitha ladki se kya use koi sata raha. Usne kasam kha mana kar diya nahi use ki gam. Ladka apne se kehta "Keh le jo kehna hai par maine teri aankhon me dekhe woh jazbaat jo usne apne aap ko kho kar paaye hai.")

Inkaar kar dene se sachchai nahi badalti,
Kyu tu woh na dekhna chahti jo meri aankhein dekh paati,
Teri har hasi main jhalakta hai dard kahi,
Na jaane aesi kaun si baat hai jo aaj tak tujhe sata rahi.

(Meaning : Uske inkaar se sachchai nahi badlegi... yeh jo ladke ke ankhein keh rahi woh kyu nahi dekh paati)

Jab maan liya hai dost to nibhane de yeh dosti,
Pee legi tera dard laa degi yeh hassi dosti.

(Meaning  Jab dost mana hi hai to nibhayega ab woh dosti)

MAZAAR

Teri banayi duniya se jab rubaru ho raha,
Ek mazhaar (qabar) par aake mera dhyan ruk gaya,
Woh guzarte logo ke jazbaat to mehsoos kar raha,
Par uske soye jazbaato kisika dhyan hi nahi gaya.

Aesa kya hua jo uska dard mujhe mehsoos hua,
Itne log guzar rahe kabhi kisi ko uska dard mehsoos na hua,
Soch hai meri gehri jisne yeh galat femi paida ki,
Ya meri shakti ankhon main chippe dard pehchan ki.

Laga uske ghav (wounds) abhi tak haare,
Yeh to ab meri ankhon main bhaare.

AKELAPAN

Kuch kami hai iss akelapan ... lagta hai darr,

Andhere ki chapete main lagta hai darr.

Khoya Khoya tanha tanha kaise kahu tadpa hu yaha
Dooba Dooba zillato main raha har pal sirf ghutta raha,
Pissa Pissa khud ko bechain kiya apne aap se ladta raha,
Rota raha lamha lamha jab tak aankh ka pani sookh na gaya.

Fass hui thi meri rooh us akelepan ke shaitan ke pass,
Bechain Karta tha mujhe jab tak nikalti nahi thi saas,
Har mod par todta tha hosla rakhta tha khataas,
Ab kuch na tha sivaaye rone ke mere paas.

GAREEB KI KAHANI

Gareeb ka yeh kaisa darpan sanjoya hai,

Simte kuch sapne aur kuch aasha hai,

Uchchai par pahuchne ki uski abhilasha hai,

Maa Baap ki daaridrata aur chand lavzo ka saaya hai.

(Meaning : Ek gareeb palta hai badta hai apne maa baap ke sapne sakaar karta hai. Uske paas sirf thode paise aur maa baap ki seekh hoti hai.)

Apni manzil ki talash main woh kaha kho gaya,

Yeh Dil uska ek SITAARE par aake rook gaya,

Dil aur dimag  main yeh kaisa yudh chhidha,

Jin sapno ko woh poora karne tha chala,
Ab un sapno mein hi SITAARE ki jhalak dekhne laga.
Kaha ek gareeb SITAARE ko paane ke sapne dekhne laga,
Use apni hesiyat ka bilkul thikana na raha.

(Meaning : Ek din aesa aaya use ek TAARE se pyaar ho gaya. Uski ankhon ki chamak dekh woh kaha kho gaya bas ussi ko apni manzil bana betha. ab usko apne sapno se milana hi uski sifarish hai)

Aansuyo main ghol raha tha dua apni mang baitha use TAABEER (haqiqat),
Sajde main bhi jhukkar ban rahi thi sirf usi ki tasweer,
Har cheez main chitra ban raha kaise mange use takdeer,
Kaise kahe woh mere zehan main basi bata to koi TADBEER (zariya).

(Meaning : Ab ro kar mang raha tha use haqiqat. Kaise mangta jab bhagwan se sajde main mang raha tha tab bas us taare ki tasweer ban rahi thi. Ab kisse mangta use jab bhagwan main hi wohi dikh rahi thi)