PYAAR KA EHSAAS

Iss shareer main dil ki pehchan kabhi hui hi nahi,

Tere aane se jab isne khalbali macha di,

Shururat se hi seekha, dil ka kaam hai khoon banana,

Dil ka dhadkana to aaj hi jaake pata chala.

Jab tak in dhadkano se rubaru hota,

Tab tak uth chuka tha dard-e-dil ka silsila,

Samajh nahi aaya kaise apne aap ko sambhaalna tha,

Usse phle mujhe pyaar ka ehsaas ho chuka tha.

Tune mujhe dil ka matlab sikha diya,
Tere jaane se mujhse pyaar ka ehsaas kara diya.

LAMHO KA SAATH

Do kadam tere sath chalna mera din safal karta,
Is pal ke intezaar mein main poora din aahe takta,
Tu kya jaane in 10 second ke mayine e-mohtarma,
Yeh zindagi jo jalti yaha sirf tere dilaase se  palti yaha.

Kitni Mushakkat karni padti hai tujhse rubaru hone ki,
Un palo main koshish hoti apna dard-e-baya karne ki,
Sirf ek mulakat chahta hu apni dastan-e-mohabat kehni ki,
Rang du apne pyaar mein main yeh hai koshish tujhe paane ki.

BAARISH

Jis fursat main dekh tujhe mang raha tha jholi phelake (bhagwan se),

Aandhi toofan dekh nikal pada main baarish samajhke,

Ro raha hoga jab woh (bhagwan) bahar nikalke,

Sunaa dunga apna dard-e-chahat use hamdard samajhke.

(Use khas ko dekh main bhagwan ke pass gaya use mangne. Baarish ke time par
jab woh ro raha hoga. Use keh doonga apne dil ki baat. Kehte hai jab baarish aati
to bhagwan rote hai.) 

Apne dard mein samjhega meri peera ko,

Chala ke koi chakkar mila dega ek mauka meko,

Yehi soch chal pada main mangne teko.

(Ye bhi sach hai ki jab dard main koi hota hai, tab woh apne dard ke sath samne
wale ke dard ko bhi samajh sakta hai. Issi wajah se woh bhagwan ke pass'
use mangne chala gaya)

Chal rahi thi hawa tez ayega is bhoochal main mera sandesh,

Issi firak main nikal pada bheegne mera bhesh (shareer),

Jis baarish ko dua samajh niche khade grahan karne,

Wahi angara ban barass pada bina koi ilm aur bina koi afsos kare.

(Mahaul aesa hai ki jab koi toofan aata hai to hawa aandhi chalti hai. Woh isse soch

betha bhagwan ka sandeshaa aur us sandesh ki chah main niche khada us baarish

ki bundo main bhagwan ki marzi jaanne khada tha. Par use nahi pata tha ki use angare

milenge is baat ka use na to gum tha aur na hi afsos.)

Aage kahani baaki hai........

GEET

Gaane likhne wale kis nazakat se tu yeh geet likhta,
Meri zindagi ka rupantaran kuch shano mein dikhla deta.
Aisi duniya mein le chalta jaha mera pyaar mujhe mil jata,
Har aansu yaad karne use, tere gaane ka sahara mangta.

Kin shabdo mein lautaunga tera main ehsaan,
Jo mujhe mehsoos nahi karti, karata usi se pehchaan.
Ankhein band kar bas nazar aata vahi insaan,
Jise dua mein mang kar bhi ansuna karta hai bhagwan.

UNSUNI KAHANI

Ek din fursat se pooch baitha (bhagwan) mujhse,

Kya kami chhut gayi jo itna yaad karta hai mujhe,

Maine kaha itne mullatto main jo suna hai mujhe,

Zara tasalli se sunna ye dil kya kehta hai tujhe.

Pehli fursat main dekh use gawa diya dil,
Neele suit ya bheegi muskaan na jaane kisne kiya bismil,
Bina koi tark ke karne chala use haasil,
Jo kar gayi apni anuthi masoomiyaat ki kaatil.

Pyaar kyu karta hu usse phir main soch raha,
Uske baalo main lagi "Tic Tac" ya chehre par girte lato se kar raha,
Bahar nikalte haath mein sambhalne ke andaaz ya pyaar se kahe do shabdo se kar raha,
Haath main pehni silethi ghadi ya chehre par bikhre bholepan se kar raha,
Vivran main uske aisa kho gaya ki kab woh chehra apna ban gaya.

Kardi uske naam saari zindagi apni,
Bina jaane ki mujhse woh pyaar karti bhi ya na karti.

Sajde main ghukkar mangta hu tujhse ek dua,
Patthar kar de yeh dil ya mila de mujhe ek mauka,
Piro du yeh umadte jazbaat ek baar,
Chahe na ho muqambal use mera yeh pyaar,

"KABHI SOCHA NA THA KI AYEGA EK DIN AESA,
PAIRO PAR HONGA MAIN AUR SAMNE HOGI TUM,
MANG RAHA HONGA TUMKO TUMSE DEKAR EK TASALLI TUMHE,
NAHI BANI IS DUNIYA  MAIN KOI JIS IS DIL KO CHHU SAKE,
VADAA RAHA YEH MERA TUMSE CHAHE KUCH BHI HO JAYE,
KOI TINKA BHI IS CHEHRE KI MASOOMIYAT KO KAM NA KAR SAKE."